DAVART NUS
OPERETTA ARDEZ
In avuost 2017 es gnüda fundada la società OPERETTA ARDEZ. Il böt dad Operetta Ardez es dad inscenar mincha 2-3 ons operas in lös particulars sco la Plazetta ad Ardez o i’l clerai Plan Plaz e quai cun simpels mezs e cun ün cler referimaint al lö ed a la lingua rumantscha. In collavuraziun cun institutions localas e regiunalas dess gnir promovü a lunga vista ün ingaschamaint cultural in Engiadina Bassa.
Las operas vegnan cumbinadas ed intretschadas cun oters geners musicals, sco p.ex. cun musica populara, pop e chanzuns popularas rumantschas. Ils dialogs vegnan transpuonüts in rumantsch, in dialect svizzer e s-chaffischan uschè ün connex direct culla regiun e cun temas actuals.
Davo il grond success da la prüma producziun "Rita" da la stà 2015, es segui dal 2018 "Die Zaubergeige/La gïa magica," lura dal 2021 "La spusa chapriziusa" e dal 2023 il format ambulant "Zwei Hörnte für ein Halleluja/4 cornas per ün alleluja," cul qual OPERETTA ARDEZ es gnüda invidada a Zuoz, Cuoira, Boswil e a Segl. In avuost 2024 es gnü giovà pella prüma jada sül clerai Plan Plaz il toc "Hänsel e Grettina" cun grond success. Accumpagnont e per douvrar l’infrastructura ha gnü lö "Feschtival da Pop". Il public es gnü in rotschas e la premiera es gnüda registrada da RTR. Ella po gnir guardada online (link).
Dürant la stà 2026 es OPERETTA ARDEZ la prüma jada giast i'l grandhotel Hotel Scuol Palace a Nairs. Sül program stan l'aigna producziun “Grandhotel XY ungelöst” e “The Bear” da William Walton.
SUPRASTANZA OPERETTA ARDEZ
intellet, man e cour Dad OPERETTA ARDEZ
Daniel Bentz, Bettina Vital, Chasper Curò Mani, Gianna Lunardi (Foto Jojo Kunz)
SOCIETÀ OPERETTA ARDEZ
Vo pudaivat dvantar Amia o Ami da OPERETTA ARDEZ
Cun Lur commembranza sustegnan El:las la lavur dad OPERETTA ARDEZ e s'ingaschan insembel cun nus per üna cultura populara viva, orientada al lö e chi collia las spartas. Uschè güdan El:las a pussibiltar progets culturals in e per l'Engiadina Bassa (Ardez).
Nus ans allegrain eir da fauturas e fauturs chi sustegnan noss progets cun ün import plü grond o unic.
Commembranzas
• Commembranza singula: CHF 45.-/on
• Commembranza da famiglia: CHF 75.-/on
• Fautur / Fautura: Contribuziun da proget plü gronda e/o unica
As partecipar
Nus ans allegrain! Ch’El:las scrivan üna e-mail ad info@operetta-plazzetta.ch cun nom, adressa dad e-mail (fich important!) ed adressa postala. In seguit ans annunzchaina jent pro El:las.
La persuna da contact per il:las AmiAs dad OPERETTA ARDEZ: Ursula Pfister
Colliaziun da banca:
Banca Chantunala Grischuna
IBAN CH89 0077 4010 3483 4540 0
SWIFT/BC GRKBCH2270A
BC-Nr. 774
OPERETTA ARDEZ
7546 Ardez
Nus ans allegrain da pudair quintar eir ad El:las bainbod pro nos ravuogl d’Ami:as.
In cas da dumondas o per per s’annunzchar ans po El:la scriver per e-mail suot info@operetta-plazzetta.ch